Shillong: Ka jingialehkai basketball kaba la ai kyrteng kum ka Independence Cup ba la pyniaid da ka ophis u Deputy Commissioner bad District Sports Officer, East Jaintia, ha ryngkat ka jingiatreilang bad ka EJHD basketball association ka long kaba shong shit kaba la pyllong ha ka sngi laitluid ka Ri India.
Ka United SC kala rah ia ka nam lahduh hadien bala pynliem iaka Thangskai SC haka liang ki shynrang. Haka liang ki kynthei pat, ka Jaintia Eastern College kila rah iaka nam lahduh hadien ba ka la lah ban pynliem iaka Khliehriat Higher Sec School.
Ha ka jingialehkai phutbol kiba hapoh 15 snem ki khynnah shynrang pat la rah da ka Rymbai YSWO. Kane ka jingrah iaka nam lahduh kala wan hadien baka Rymbai SYWO kala lah ban pynliem iaka Khliehriat Higher sec school da 1-0.
Ia kane ka Independence cup kaba ar ha ka phutbol la pyniaid daka East Jaintia hills District Football Association, bad ka ophis u Deputy Commissioner ,East Jaintia hills District lyngba ka Scheme Chief minister youth Development scheme (CMYDS).
Ha kane ka sngi la iadonlang u Deputy Commissioner u Bah FM Dopth, u SP, u DSO, ki dkhot ka District sports Association, ki dkhot ki seng phutbol, basketball ryngkat bad ki nongkitkam iong ki.