Rah ka Royal Challenger ia ka nam lahduh ha ka phutbol Pongtung

Shillong: Ka Royal Challenger FC Lyngkyrdem, ka la long ka lahduh ha ka 4th Kiw Sing Memorial Football Tournament ha Pongtung.

Ha kane ka sngi ha shwa jong ka jingialehkai ka don ka jingialang ba la pyniaid da U bah Wallambok Lyngdoh.

U bah D hynñiewta, MCS uba dei U SDO ka Pynursla Civil Sub division, ula la iaroh ia ka club kaba la lah ban pynlong ia kane ka tournament. U bah Prestone Tynsong, uba dei ruh U Deputy Chief minister jong ka sorkar Meghalaya bad kumjuh ruh u MLA jong ka thaiñ u iaroh bad ai mynsiem ia ka club ba kan iai pynlong man ka snem ia kane ka tournament khnang ba kin mih ki player bna nam na kane thaiñ.

Ha ka jingialehkai, ka royal challenger FC LYNGKYRDEM ka la ioh rah ia ka song kaba 70000 bad ka Galaxy FC Pynursla, ia ka song kaba T.30,000.
Ka Royal Challenger FC, ka la ioh ban thep kol lyngba U Defender Pomthaih ha ka minit kaba 23 bad ka minit kaba 65 da U Ronald Lyngdoh. Ka Galaxy ka la trei shitom bad ka ioh ban pynmih jar ha ka minit kaba 85, lyngba U Bah Ksankupar Khongmalai.
U kongsan ryngkat u symbud kongsan bad ki riew rangbah ki la sam ia ka khusnam sha ka team kaba jop bad ia kaba rem. Ia ka nam best player la ioh da U Bah Ribor Dkhar na ka Galaxy bad ia ka nam best goal keeper da u Mait Kharumnuid jong ka royal challenger FC LYNGKYRDEM.