Shillong: Ka jylla Mizoram kaba dei ka lahduh mynshem snem ka lympung Hero Junior National Football Championship jong Dr BC Roy Trophy ka la rah biang mynta ka kynti hadien ba ka la pynliem ia ka Punjab da 5-4 kol ha ka jingiashut penalty kaba long mynta ka sngi ha JN Stadium, Shillong.
Ha ka jingiakhun ha madan, kila iakhaid 1-1 kol bad la hap ban rah sha ka jingiashut penalty hadien ba kim shym la lah ban iaknieh nam tam wat hadien ba la pynjlan shuh ia ka por ialehkai.
Ha ka jingiakhun, ka Mizoram ka la ioh ban thep ha ka 32 minit da u Malsawmtluanga Singson hynrei ha ka kyllamiet u nongialehkai ka Punjab u Tania Raji u la pynphai kylla ha ka 49 minit.
Ia ka khusnam lahduh la sam da u vice president ka All India Football Federation (AIFF) uba dei ruh u President ka Meghalaya Football Association u bah Larsing Ming Sawyan, ba la don lang ki heh ka AIFF, ka MFA bad kiwei.
Phi don ban ong eiei?