Rah ka Mawphansnar ia ka Football Knock-out Tournament 2019-20 ha Nongspung

Shillong: Ka Mawphansnar SC ka la jop ha ka jingialehkai phutbol 5th Football Knock-out Tournament 2019-20 ha shnong Nongspung ha ka jingiaknieh ia ka nam lahduh pyrshah ia ka Dilingiem SC da 6-0 kaba long ha kane ka sngi Saitjain ba la dep ha madan Mynrad. Ia kane ka jingialehai la pynlong da ka Mawphansnar Sports and Cultural Club Organisation, Nongspung ha shnong Nongspung.

Ka lahduh ka la ioh khur T. 14 hajar bad ka khusnam katba kaba long baar ka khur T. 6 hajar bad ka khusnam.

Ha ka jingiakhun sngewbha jong ki kyntei, ka Pyndenglitha ka la pynliem ia ka Seng Samla Nongspung da 2-0 kol. Ka lahduh ka la ioh T. 15 spah katba kaba long baar ka ioh T. 1 hajar.
Ia kane ka jingialehkai la sdang naduh ka 23 tarik Nohprah 2019 bad la pynkut ha ka 22 tarik Rymphang 2020. La wan iashim bynta baroh 16 tylli kynhun na shnong bad ki para marjan shnong.
U MLA ka thain bah SK Sunn u la long kum u kongsan ba la sam ia ki khusnam sha kiba poi sha ka phainal. Ha kane ka sngi, la don lang ki rangbah shnong na ki shnong ba marjan, ki riew rangbah bad ki paidbah ba la sakhi ia kane ka jingialehkai.