New Delhi: Ka Mary Kom, ka nong ia kura ba pawnam jong ka India, ka la ioh ia ka takma ksiar jongka, mynta ka sngi, da kaba ka pynliem ia ka Hanna Okhota, kaba na Ukraine, ha ka jingiakhun jong kiba 48 kilo ka jingkhia, ha ka jingialehkai, kaba la pynlong ha New Delhi lane ka Womens’s World Boxing Championship. Ka Kom, kaba 35 snem ka rta, ka la ioh ia ka jingjop da ka rai jong ki rephri, ha ka jingkhein kaba 5-0. Kane ka dei ka jingjop kaba ar ia ka Mary, hadien ka jingjop jongka, ha ka sien kaba nyngkong ha u snem 2006.
Ka jingjop jong ka Mary, ha kane ka kynti, ka la pynioh ia ka, hynriew tylli ki takma ksiar, ha kaba kham mynshwa, ka la ioh bat 5 tylli bad ka la ioh ia ka takma ksiar, kaba khadduh jongka, ha u snem 2010, ha ka jingiakhun kaba 48 kilo hi.