Ka Liverpool, ka la ioh rah ia ka thong jong ka jing ialehkai jong ka English Premier League, da kaba ka la pynliem hynnin ka miet ia ka Chelsea, da 5-3, ha ka jingialehkai ha Anfield.
U Naby Keita, ula ioh ban thep ia ka kol kaba nyngkong, hadien kata, ula bteng sa U Trent Alexander-Arnold bad hadien kata, ula pynbud sa U Georginio Wijnaldum, hynrei ha shwa ba kan kut ka kylla step, ula ioh pynphai U Olivier Giroud shi kol, na ka liang jong ka Chelsea.
U Roberto Firmino, ioh thep biang sa shi kol ha ka kylla miet, hynrei, ula ioh pynphai sa U Tammy Abraham na ka liang ka Chelsea bad U Christian Pulisic, hynrei ka kol jong U Alex Oxlade-Chamberlain, ka la ai ia ka jingjop ba pura ia ka Liverpool.
Ka Liverpool, ka jop 18 sien ha ki jingialehkai ha la iing bad ka ia khaid shisien pyrshah ia ka Burnley da 1-1 ha ka jingialehkai mynta u bnai bad mynta ka ioh 96 point. Ka Chelsea, ka ioh 63 point bad ka donkam sa shi point ba kan ioh ha ka jing iakhun jongka ka ban sa long pyrshah ia ka Wolverhampton Wanderers, ba kan ioh rung sha ka Champions League.
Phi don ban ong eiei?