Shillong: Ka Langsning ka la rah ia ka nam lahduh ka lympung U-18 Shillong Premier League ba la pyniaid da ka Shillong Sports Association da kaba pynliem haduh 3-0 ia ka Sawmer Ka Langsning ka lahduh ka U-18.ha ka jingiaknieh ia ka nam lahduh kaba long ha kane ka Saitjain ha madan JN Stadium, Polo.
Ia kine ki ka Langsning la thep da u Arkidalang Myrthong ha ka minit kaba 11, u Figo Syndai ula thep ha ka minit kaba 18 katba ia ka kol balai la thep da u Wanskhem Marbaniang ha ka 85 minit.
Na ka liang ka Sawmer pat kam lah ban pynkhih jar eiei haduh ban wai syndon ka jingialehkai, khamtam ka jingpynsep ei ia kiba bun ki kabu.
Ka Langsning ka ioh rah ia ka khusnam bad ka song pisa ba T.40,000 katba ka Sawmer ka la ioh T.25,000.
La sam ia ki khusnam da u Deputy Director ka tnad ialehkai ka jylla u JR Marak bad la donlang ruh u Myntri tnad ialehkai bah Banteidor Lyngdoh bad u Myntri kam pynroi sor bah Hamletson Dohling kiba shim bynta ban sam ia ki khusnam bad medal ia ki rangialehkai.