Rah ka Lamare FC ia ka song pisa ba T. 1 lak, na ka phutbol ha Umsning Patarim

Nongpoh:Ki Rangialehkai ka Lamare Football Club, ki la rah ia ka namlahduh ha ka 1st Open to All Football Tournament ba la pyniaid da ka Fabulous Four ha Madan ialehkai ka Umsning Sport & Cultural Club, Patarim, kata hadien ba ki la lah ban pynliem noh ia ka Friends United Patarim da 3-0.

Khyndiat haba phai sha katei ka jingiakhun phainal kaba la sakhi da ki hajar ngut ki nongpeitkai, da shisha ka la long ka jingiakhun kaba itynnad bad kaba la pynhun ia baroh ki nongpeitkai. Ha ka kylla step ka jingiakhun ka Lamare FC ka la ioh ban lamkhmat ia ka jing iakhun da kaba ioh ban pynkhih jar nyngkong bad haduh ba da kut ka kylla, ka Lamare FC ka la tam da 1-0 ia ka Friend United.

Haba la bteng ka kylla miet, ka jingiakhun ka la nang kham shongshit shuh shuh, namar ki rangialehkai ka Friend United ki la trei shitom ban pynphai ia katei ka kol kaba ki la shah thep, hynrei namar ka jingtbit palat ki rangialehkai ka Lamare FC, ka pynlong ia ki rangiahkai ka Friend United ba kim lah ban thaw pyrthei ei ei ruh em.

Katba ka jing ia khun ka la nangiaid sha khmat, ki Rangialehkai ka Lamare FC ki la nangnion shuh shuh bad dei ha kaba kum katei ka por, ba ki la ioh ban thep haduh 2 kol bad la pynthikna ia ki ban kin pynliem noh ia ka Friend United da 3-0 bad ban rah syndon ia ka namlahduh. Ka Lamare FC kaba la ioh ban rah ia ka namlahduh, ka la ioh ban khur ia ka song pisa kaba T. 1 lak lem bad ka Trophy, katba ka Friend Uni ted Fc ka la ioh ia ka song pisa kaba T. 30 hajar tyng ka bad ka trophy, nalor kata la sam ruh ia ki khus nam shimet ha kaba ia ka nam Top Scorer la rah da u Donlad Diengdoh na ka Lamare Fc, Best Goalie la rah da u Siwel Rymbai na ka Lamare Fc bad Best Player la rah da u Pynbha Suting na ka Lamare Fc. Ha kaba pynkut ia katei ka lym pung ialehkai phutbol, la sakhi da ka jingdon u Bah Banteidor Lyngdoh, Myn tri ka tnad ialehkai ka jylla kum u kongsan, u Bah Eddie G Kharbani, President ka RBWO kum u symbub kongsan, u Bah Bipul Thangkhiew, President ka RBYF, u Bah Pateng Myrsing, President ka HANM lem bad kiwei ki riew rangbah ka thain.