Shillong: Ka Shillong Lajong Football Club ka la jop ha ka jingialehkai jong ka OC Blue Shillong Premier League 2024, da kaba ka pynrem ia ka Mawlai SC da 2-1, ha ka jingialehkai ha madan Polo, hynnin ka sngi.
Ka Lajong, ka la ioh ban thep ia ka kol ha ka minit kaba 10 lyngba u Abhay Chettri. Ha ka kylla miet ka Lajong, ka la ioh thep ia ka kol ka baar ha ka minit 76 lyngba u Samchaphrang Lato, hynrei ha shwa ban wai artad ka jingiakhun u nongialehkai jongka Mawlai u Damanbhalang Chyne ula ioh thep ia ka kol ha ka 88 minit lyngba ka penalty.
Wat la kine ki ar tylli ki kynhun ki la ioh khur mar 45 point, hynrei ka Lajong kala ioh ban khur ia ka nam lahduh jong ka SPL 2024.
Da kane ka jingjop, ka Shillong Lajong, ka la jop ia ka nam lahduh jong ka SPL haduh 5 sien bad ka Mawlai kaba la bat ia ka nam lahduh, 3 sien kynthih ne Hat-trick ia ka SPL.
Ka Lajong kaba long ka lahduh jong ka SPL kala ioh ia ka khusnam bad ka T.6 Lak, katba ka Mawlai kaba wan baar ka ioh ia ka khusnam bad ka T.3 Lak bad ia ka cheque la aiti da u Myntri ka kam ialehkai u Bah Shakliar Warjri kum u kongsan.
Phi don ban ong eiei?