Shillong: Ka Iabeitlang United ka la ioh rah ia ka nam lahduh pyrshah ia ka OnlineXI ha ka jingialeh kai final jong ka 2nd (L) Pilat J. Khongkliam Memorial Trophy ba la pyniaid da ka Mawshun Sports and Cultural Club (MS&CC), Mawshun.
Ia kane ka Tournament la pynhap pyrda ha ka 31 tarik Nohprah 2019 ha ryngkat ka jingdonlang U bah Alantry Franklin Dkhar kum u Kongsan uba long ruh u Adviser jong u Chief Minister, U Conrad K. Sangma.
Ha katei ka sngi la don lang ruh U Rangbah Shnong uba long ruh ha ka juh ka por u Sordar jong ka Raid Mawshun, ki riew rangbah napoh shnong, ki Nonghikai, ki dkhot jong ka Committee Shnong bad kiwei kiwei ki riew rangbah.
Ka Iabeitlang United ka la ioh rah ia ka Trophy jong kane ka Tournament ha ryngka ka song pisa ba Rs25,000 (Arphew san hajar tyngka) katba ia ka nam best player jong jong une u snem ka leit sha u Samla Iohsuk majaw bad ia ka nam Best Goalkeeper sha u Shanbor Ryndong.
Ha katei ka sngi nalor ka jingialehkai phainal jong kane ka Tournament la don ruh ka jingialehkai Penalty Shout-Out mynstep.
Ha kane ka janmiet ka Mawshun Sports & Cultural Club ka la ioh ruh ban pynkup burom ia ki khynnah skul jong ka shnong Mawshun kiba la pass bha ha ki examin ba pher bapher mynta u snem naduh Class X shaneng, ong ka khubor, kaba la phah da ka Club.
Phi don ban ong eiei?