|
Shillong: Ka Hiscare FC ka la ioh rah ia ka nam lahduh ryngkat ka song pisa kaba shi lak tyngka hadien ba ka la pynliem ia ka Tyrsad Combine FC kaba la pynlong da ka St Stephen Parish Sawsymper lyngba ka Sports Committee ban rakhe ia ka jingdap 10 snem kaba la pynkut ha madan phutbol jong ka Parish kaba don ha Langsymphut. Kane ka phutbol ka long ban rakhe ia ka jingdap shiphew snem naduh ba la plie ia ka Parish Sawsymper ka ban sa pynkut ha ka 16 tarik mynta u bnai. Ki don khadhynriew tylli ki kynhun kiba wan iashim bynta. Ha kane ka sngi pynhap pyrda ha jaka u Bah SK Sun, MLA ka Mawphlang uba la shim kum u kongsan la wan mih bujli da ka Kong Bajop Rapthap katba u Bah HM Shangpliang, MLA ka Mawsynram constituency u la long kum u Symbud kongsan. Ka Tyrsad Combine FC kaba la shah rem ka la ioh ban rah ia ka song pisa kaba Sanphew hajar tyngka bad ka khusnam. |