Khliehriat: Ka Dong Mainroad RBBJ FC Ka la ioh biang ban rah ia ka namlahduh ha ka sien kaba ar lynter jong ka lympung ialehkai kaba tip kum ka Umlyngsha Inter Dong Football League 2019 kaba pyniaid da ka Umlyngsha Youth Society And Sports Club (UYSSC), East Jaintia Hills, Khliehriat kaba la pynlong ha ka 14tarik une bnai Nailar ha Madan Lumthangiong,Umlyngsha.
Ka Dong Mainroad FC Ka la ioh rah ia kane ka namlahduh hadien ba Ka la lah ban pynrem ia ka Dong East Colony FC ha ka phainal lyngba ka iashut penalty da 4-2kol.
Ha k jingialehkai hapdeng kine ki ar Dong ka la long kaba iaryngkat bor bad kaba iathaiñ bha ha ka kylla step namar ka jingiakhun ka la kut khlem don nongthepkol ha ka shwa ban poi sha ka jingiadih umsoh jong ki nongialehkai.
Haba bteng ha ka kylla miet pat Ka Dong East, ka la ialehkai bha haba ka la pyrshang ban ioh pynkhih ia ka jar jong ka liang pyrshah hynrei kane kam shym la lehnohei namar ha ka minit kaba 48 ka la ioh ban Thep shikol lyngba u Batskhem Amkhloo na ka corner bad nangta ka jingialehkai ka nangshongsgit shuh shuh namar ka Dong East FC ka lathom ia Ka kut Jong Ka liang pyrshah ban ioh thepkol shuh shuh tangba Ka Dong Mainroad FC ruh Ka la treishitom Jai Jai ban pynphai kylla ia Ka shikol kaba la shahthep tae kane ka la urlong jlan ha Ka minit kaba shwa ban poi shaba kut ka por ialehkai ka la ban siew kylliang lyngba u Hameroi Shylla haba kKa jingialehkai ka la kut Mar 1-1kol.
Kumta u nongpyniaid ia Ka jingialehkai u la rai ban leh da kaba ia shut penalty haba Ka Dong Mainroad FC Ka la jop da 4-2kol bad ioh rah ia ka namlahduh jong une u snem.
Ha kane ka phainal la wan sam ia ki prize bad ki Trophy da u Waheh Shnong Umlyngsha bad U Bah B.Suchiang ryngkat ka jingiadonlang ki dkhot jong Ka Club.
Phi don ban ong eiei?