Pyrta shnong ka Mission ban pyrshah ia ka jingmane ksuid

Shillong, 27 Jymmang:
Ka dorkar shnong Mission, Shillong ka la pyrta shnong ban pyntip paidbah ia ka jingpynjari kyndon u Deputy Commissioner ka East Khasi District ban mana pyrshah ia ka jingmane ksuid bad kiwei ki kam bym man ba pynmih ia ka jingsngew pyrshah ia kiwei ki niam ne jingngeit jong kiwei.
Ha kane ka sngi Hat majai, ka dorbar shnong ka la pyrta shnong iar sha ki

paidbah da ka tynghung ha ka por janmiet ba u DC ka East Khasi Hills u la pynjari da ka kyndon 144 Cr PC ban mana pyrshah ia ka jingthmu jong ki briew ban mane ksuid ban leit sha ki lum jingtep bad kiwei ki kam ban thoh pyrshah ia ka jingngeit kaba ktah ia ka jingsngew jong kiwei.
Ha ka jingpynbna, la mana ruh ban buh kali ne shong miet ha ka dong, ban iaid bike sted ne ban iashoh iadat ha shnong, ban leit sha ki lum jingtep shiteng synia ne ban leh kino kino ki kam ba long pyrshah ia ka imlang sahlang.
Kane ka jingpynbna jong u DC ka long ba la mih ka khubor ia ka jingmih khubor ia ka jingdon ki briew ba mane ksuid ha ki katto katne ki bynta jong ka nongbah Shillong haduh ba la pynher syrngiew ia ki paidbah namar ka jingsngew tieng.
Ka la mih ka khubor ruh ba la don ki briew ba leit sha lum jingtep ha ka por shiteng synia ban pynlong ia ka jingmane bad ka jingthoh bapher bapher ha ki katto katne ki bynta ban pynpaw pyrshah ia ka jingngeit niam jong kiwei pat.
Lah ban kdew ba la don ruh kiwei ki shnong bad ki kynhun Balang kiba la mana ban leit sha lum jingtep ha ka por mynmiet hadien ba la mih bad saphriang ka khubor mane ksuid.
Kane ka jingmane ksuid ka la paw pyrthei na Tura bad ka la paw sa sha Shillong, wat ha ka jingshisha, la iathuh ba ka don nyngkong ha kane ka nongbah Shillong hynrei kam ju paw ha ki por mynshwa kumba ka long mynta.