Ki ehrang Taliban, ki la pyrshang ban shongkai pyngngad ia ka black hawk helicopter jong ka America, kaba don ha kad liengsuin jong ka Kandahar, hynrei kim shym la lah satia ban pynher ia katei ka helicopter sha suin.
La iathuh ba kitei ki ehrang, ki la ioh lum ia ki tiar jong ka US, kiba shongdor £13bn bad kitei ki kynthup ia ki tiar siat, ki kali, ki suloi bad ki kali ialeh thma lane ki humvees, ba ki la ioh kurup na ki shipai Afghanistan.
Ki tiar jong ka America, ki kynthup ia 150 tylli ki helicopter bad ki liengsuin ruh bad nangta sa 45 tylli ki black hawk helicopter.
Ki don hynniew tylli ki helicopter, kiba shongdor $21million kawei, ki la leit poi sha Afghanistan, ha u bnai ba ladep. Nangta ki don 20 hajar tylli ki kali ialeh thma bad 40 hajar tylli ki kali rit bad ki Ford pickup truck, ba la ai sngewbha da ka US sha ki shipai Afghanistan.
Phi don ban ong eiei?