Shillong: Halor ka jing shah ban iaid tang ki kali ki ba wan rung na ka thain Mawiong (one way) ban iaid lyngba ka surok Mawlai bypass, u MLA ka North Shillong constituency u bah Adelbert Nongrum u la buh ia ka jingkylli ha khmat ka sorkar Jylla katba ia ki kali ba iaid lyngba ka skul bah NEHU pat ym shah ban rung ia ki kali lyngba kane ka surok.
Haba iakren bad ki lad pathai khubor, u Bah Adelbert u la ong, “Kaba sngewlyngoh ka long ba wat la la plie paidbah ia kane ka surok Mawlai bypass hynrei kane ka surok ka long beit tang ia kito ki kali ba wan na Mawiong. Wat la ka la don ka jingduna ha ka jingdheng kali ha ki thain Mawiong bad ki bynta ka Mawlai, hynrei ka jingkylli ka long balei ia kane ka surok kaba heh bha la shah ban rung tang ia ki kali ki ba wan kiew na Mawiong.”
U la ong ruh ba ki don ki surok kiba rit ha ka nongbah Shillong hynrei ki kali ba wan na neng lane na rum ruh ki iaid beit, hynrei haba phai pat sha kane ka Mawlai bypass ka long ka surok kaba heh kaba don kumba 40-45 ft ka jingiar, hynrei ia kane ka surok la pynbna ba ka dei ka surok ‘one-way’.
“Lada ka don kano kano ka issue ba ka sorkar kam lah ban kiar, kumta la rai ba ia kane ka surok kan long ‘one-way’ hynrei da don kum kane ka jingeh ka sorkar ka dei ban weng ia kine ki jingeh khang ban ioh jingmyntoi u paidbah,Kito ki briew ba shong ba sah ha kito ki jaka ba kane ka surok ka iaid lyngba ruh ka la kthah bha ia ki ruh namar jaka ban ioh rung sha la ki jong ki iing na ka lynti kaba kham suk ki hap ban iaid kyllain pynban mynta,” u la ong.
U la iathuh ruh ba la bun ngut ki briew ym tang na Mawlai, hynrei na kylleng ki la ju pynsngew ha u bad pynpaw ia ka jinglyngoh halor ka rai ban ai ‘one-way’ ia kane ka surok Mawlai bypass,lada ka sorkar ka la rai ban ai one-way ia kane ka surok, la dei ban pyntip bad pynbna paidbah ha katto ka sngi ba plie ia kane ka surok Mawlai bypass bad batai ruh ia ki daw ba ka sorkar ka la shim ia kane ka rai, khnang ba ki paidbah kin sngewthuh bad kin nym sah ha ka um dum.
Ka long kaei kaei kaba sngewsih, namar ha ki por bym pat plie ia ka surok, ngi ioh ban rung ban leit sha ka jaka lajong kaba long tang kumba 1/2 km ka jingjngai na kato ka lad na jan NEHU (Umjarain) hynrei mynta ngi hap ban khun khongwain, na NEHU sha standbus sha mawlai petrol pump sha mawiong (namar ba nga sah ha Mawdatbaki). Lada long kaba lah sngewbha ban weng lem ko SORKAR ia kine ki jingeh jongngi, namar kumba ong i Bah Adelbert , ki ba bun ki surok kiba kham rit bun shah ia kato, hynrei kin iaid bad kadiang bad kamon.