Pyrshah u Bah Ardent ba kiew jubor bai thang ding

Shillong, 18 Lber:
U MLA ka Nong krem u Bah Ardent Miller Basaiawmoit u la rah hynne ia ka jingpynkiew jubur ia ka bai thang bording ha iing dorbar da ka MeECL.
“Ka bai thang bor ding ka la kiew jubor ha kaba ki briew ba duk ha ka constituency jong nga ki la kynduh jingeh”, la ong u Bah Basaiawmoit.
U la pule ia ka bill kaba mynshwa ka long T. 450 ha ka shi bnai mynta pat ka la kiew sha ka T. 9260 kaba la wanrah ia ka jingbuh jingkylli na kiba bun.
“Nga kwah ban kylli kumno kiba duk kin lah ban siew haduh T. 3000 shi bnai ha kaba tang ban bylla ruh kim ioh katta”, la ong u MLA ka Nongkrem.
U la ong ba ka sorkar ka dei ban shim ia kane ka bynta ban pynthikna ba ki paidbah kin lait na kane ka jingeh.
Hadien ba la sngap ia ka jingkren jong u bah Basaiawmoit, na ka liang u Lamphang u AT Mondal u la kyntu ia u ban wanrah ia ka bill ha ka iing dorbar khnang ba ka sorkar kan leh ia kaba donkam.