Pyrshah tyngeh ki samla UDP Shillong ia ka CAB

Shillong: Ka UDP Youth Wing Shillong City ka pyrshah jur ia ka Citizenship Amendment Bill (CAB) 2019 kaba lah wanrah da ka sorkar NDA ba la lam khmat da ka BJP bad kaba la thmu ban pynlong ain noh syndon.

Ha ka kyrwoh u vice president ka UDP Youth Wing Shillong bah Desmond KL Mawlong ula ong ba ka dang mynta ka sngi ha ka dorbar tlang jong ka parliament lah wanrah ia kane ka bill ban iatai hapoh iingdorbar bad ka la ioh ia ka jingbun vote da 293 bad kiba pyrshah ki long tang 82.

Na ka liang jong ka UDP Youth Wing kan iai pyrshah beit ia kane ka bill namar kum ka jaitbynriew kaba don don tang 14 lak ngut kan sa shah tyllep ha ki poi ei ki mynder ki bn wan na kylleng kylleng ki Ri kumba lah paw ha kane ka bill.
Kumta na ka liang ka seng ka kyrpad ia ki paradoh parasnam jong ka bri u hynniewtrep ban ia long shi tylli ha ka juh ka por ruh ka seng ka ai jingkyrshan ruh ia ki sengbhalang bapher bapher kylleng ka thain shatei lam mihngi ha ka jingiakhih jong ki.