Pyrshah tyngeh ka KSU, ba thmu ban die ia ka jaka ba 400 akar kaba ha Tynring

Shillong: Mynta ka sngi ka 1 tarik Naitung 2019, ka Khasi Student Union Central Body ki la wan ban ia kynduh ia u EM ka Ilaka u bah Pyniaid Sing Syiem hapoh ka jingialam jong u bah Sonstar Nongkhlaw Asst General Secretary ka KSU Seng Kmie, halor ka jingpyrshah ia ka jing ai bor ia ka kong Manosha Warjri kaba thmu ban die ia ka jaka ha Kyrdeng, Mawkduk bad Lumkseh kaba don haduh 400 akar ka ba hap ha u pud u sam ka shnong Tynring Khyrim Syiemship sha ka tnad shipai.

Na ka liang ka KSU ka la maham jur ia kino kino ki briew ki ba dei ki Syiem ne ki sordar ne ki riew shimet ba kim dei ban die ia ki jaka shimet ne ki jaka shnong ha ki tnad shipai “Da leilei ruh ngin ym shah ia ki syiem ne ki sordar ne kino kino ki riew shimet ruh ba kin die ia ki jaka shimet ne ki jaka ka raid ba kin die ha ki tnad Shipai”, la ong u bah Sonstar Nongkhlaw.