Pyrshah ri mrad ka Umkiang

Shillong, 1 Naiwieng: Ka Seng Samla Shnong Umkiang (SSSU) ka kyrshan pura ia ka rai jong ka Dorbar Shnong Umkiang kaba la long ha ka 13 tarik u nailar  ha kaba la rai ban pyrshah jur halor ka jing thmu jong ka tnad Wildlife ban pynlong  Eco Sensitive Zone  hapoh u pud u sam jong ka shnong Umkiang namar kane kan ktah jur ka ka Rep ka Riang jong u Paidbah.Ka kyrwoh khubor ka la ong ba daw ka long namar ba lada kane ka jing thmu jong ka tei ka tnad ri mrad ka sorkar   kan urlong ki jaka rep jaka riang jong ki paid kin hap hapoh  ka jingshah teh kyndon jogn ka ha kaba ki paidbah kim lah shuh ban trei laitluid kumba juh long ka rukom im jong u Paidbah jong ka thain jong ngi.Ka jing pyrshah jong ka Dorbar Shnong Umkiang ka long kaba dei hok bad kaba don nongrim namar ngi long trai halor ki jaka puta baroh kat kum ka ain jong ka 6thSchedule (District Council).Kumjuh ruh ka Seng ka kyntu ia kiwei pat ki shnong kiba don hapoh ka Elaka Narpuh East Jaintia Hills ban kyrshan lang  ia kane ka Rai jong Ka Dorbar Shnong Umkiang ban pyrshah ia kane ka jing thmu jong ka Wildlife.