Pyrshah pynlip light ka WKSU ha Nongstoin

Shillong, 03 Rymphang:
Ka West Khasi Student Union (WKSU) central body ka la pyrshah jur ia ka jingpynlip bording (light) ka Meghalaya Power Distribution Corporation Limited (MePDCL) ha ka thain Nongstoin.
U General Secretary ka WKSU central body u Bah D Sunn u la ong ba ka jingpynlip ia ka bording ka la pynthut ia ka trei ka ktah khamtam ia ki samla pule kiba dang pynkhreh ia ka eksam bapher bapher.
U Bah Sunn u la ong ba ka jingpynlip bording ka long kumba leh shilliang ha kaba ka jingpynlip ia ka bording ka long bun kynta ha katei ka thain katba ha kiwei pat kik jaka la pynduna ka jingpynlip bording.
U la dawa ba ka MePDCL kadei ban pynbeit thymmai ia ka rukom pynlip bording da kaba leh kumjuh khlem leh shilliang la ha ka jaka nongkyndong ne ha sor.
U la maham ba ka seng kan leh ia kaba donkam lada katei ka tnad sam bording kam sngap ia ki jingeh jong ki paidbah.