Pyrshah pynjot mariang ka HNM

Shillong, 1 Jylliew:
Ka Hynniewtrep National Movement (HNM) ka la pyrshah jur ia ka jingpynjot da kaba tih maw, tih khyndew ha Ri-Bhoi.
Ha ka jingpynlait khubor, ka seng ka la ong ba watla ki bor synshar district ki la mana ban nym shah shuh ban tih khyndew ban tih maw hapoh ka district ha ka thain Baridua, Killing, Khanapara, Umtyrnga bad ha kiwei ki jaka, kane ka kam ka nang iaid hi haduh kine ki sngi.
“Kane ka jingtih khyndew ka dang iaid naduh 6 baje mynstep haduh 6 baje janmiet man ka sngi, la ong u Bah V Rozel Mawrie information secretary ka seng bad u sports secretary ka seng Bah S Silverstar Majaw.
Ki la ong ba lada ka sorkar kam leh eiei noh ban khang lad ia kane, kan long ka jingma ia ka mariang ha ka thain Ri-Bhoi bad lada ka sorkar kam leh, ngim banse ban leh hi da ka kam, la byrngem ka HYM.