Pyrshah Municipal Ki Nongsynshar Shnong

Shillong, 11 Nailur:
Ka Synjuk ki Nongsynshar Shnong ka Bri u Hyniewtrep ki pyrshah bad pynrem ia ka jingtyrwa jong ka Shillong Municipal Board ban pynlong aiñ ia ka Property Tax, ha kaba ki paidbah ki hap ban siew khajna halor ka jingdon ia ka khyndew ka shyiap. Ka Synjuk ka la shim ba katei ka aiñ ka dei ban pynkylla nongshongwai ia ki trai jaka trai muluk, ha la ki jong ki ing ki sem ki jaka puta. Ka la kyntu ia ki nongmihkhmat ba kin pyrshah ia katei ka aiñ bad ba kin kyrshan ia ka Synjuk namar ba la sngewthuh ba ia katei ka mat yn ia tai ha ing dorbar thaw-aiñ ha kine ki khyndiat sngi ban wan.
Ka Synjuk ka la shim ruh ia ka rai ban thoh da ka shithi sha u CEM ka KHADC ban buh sngi ba un ia kynduh ia ki nongialam jong ka ban pynsngew ia kaei kaba mih na ka jingiakren bad u myntri rangbah ha ka 31 tarik u nailar halor ki jingtyrwa jong u ban pan biang ia ka VAB.