Shillong: Ka jingialang jong ki Sordar bad Secretary shnong baroh kiba hap hapoh ka Block Mawryngkneng, kaba la long mynta ka sngi, hapoh shnong Mawryngkneng, ka la shim ia ka rai ban pyrshah shisien don ia ka rai jong ka Cabinet ba dang shu dep shong jong ka Sorkar Meghalaya kaba la ai lad ia ka jingia khaii kyiad laitluid hapoh ka jylla lyngba kata ka “Alcohol Home Delivery.”
Ka kyrwoh khubor, ba la phah mynta ka janmiet, ka ong “Kum ka jylla Kristan bad kum ki nongsynshar shnong ngi sngew ba kane ka jingleh jong ka Sorkar ka long kum ka jingpynshlur ia ka jingiadie ia dih kyiad pathar hapohki shnong ki thaw bad ka wanrah ruh ka jingiatyngkhuh bad ki jingsynshar shnong synshar thaw kiba la don lypa ki ain kiba ju kiba ju teh lakam ia ka jingdie kyiad beain bad ka jingiadih pathar ia ka kyiad hapoh ki kali, ki lynti bad surok shnong kaba bunsien ki ju mih ki jingjia accident, jingiashoh ia dat bad ki jingkulmar bapher bapher hapoh shnong poh thaw”.
Kumta, ka rai jong ka Cabinet ban leh noh da ka Alcohol Home Delivery ka long kum ka jingpynshlur ia ki kam sniew hapoh ka Jylla bad ha ka imlang sahlang bad ka jingpynjah burom ia kata kaba ngi khot “Christian State” bad halor kane ka bynta la kyntu ia ka Cabinet jong ka Sorkar Meghalaya ba kan pyrkhat biang bad ban weng noh shisien don ia ka rai jong ka Cabinet ba dang shu dep shen ban ai lad ia kata ka Alcohol Home Delivery.
Home delivery Ka kham bha ban ia Ka ba die sop sop.