Shillong: Ka KSU South central East Circle (S.C.E.C) bad ka FKJGP Riwar mihngi circle, nangta ki driver Association tourist kumjuh ki local taxi ha ryngkat kiba bun ki Rangbah shnong ki la thoh da ka shithi sha u Symbud myntri rangbah ka jylla u bah Prestone Tynsong bad ia ia u Deputy Commissioner ban pyrshah hakor ka rai jong ka sorkar kaba la shah ia ka khaii khappud (international trade border).
Kum ki kynhun ki pynpaw ia ka jingpyrshah halor ka khaii khappud (international trade border) ha kaba ka sorkar ka la ai bor noh sha ka Deputy Commissioner ban plie bad ban peitngor.
Kum ki Seng, ki pynpaw ia ka jingsngew diaw bad jingsngew lyngngoh kaba haduh katta katta ba ka sorkar ka shu leh khohreh ban shu plie noh ia ka international border trade, katba ka jinglong jingman jong kane ka khlam covid ka dang don ha ka jingshyrkhei ba wat tang ia ka iarung ia mih hapoh ka jylla (inter district movement) ruh ka dang pyrkhing ia ka iaid ka ieng ki paitbah ka bri u hynñiew trep. Ka seng ka la pynpaw ruh ba wat ha ki shnong ki thaw ruh ki dang pyrkhing ha kum kane ka por, kum ki Rangbah Shnong ki hap ban kit khlieh ia la ka jong ka shnong lada jia ba kane ka jingpang kan pur sha ki shnong ki thaw jong ki.
Kaba pynlyngngoh ngain ka long ba ka sorkar ka nud ban plie ia ka iew bah iew san katba ia ki iew rit iew ria ka pyrshah ban plie.
Ki seng ki la buh ruh ia ka jingkylli ba lada ki protocol ki khlain ha ka international trade, balei pat ki protocols tang ban plie ia ki iew rit hapoh shnong poh thaw ruh kim khlain bad kane ka pyni shynna ia ka jing peit shiliang khmat bad ka jingnoh shiliang ka tarajur hapdeng kiba ioh ba kot bad ki duk ki suk.
Kumta, na ka liang ki sengbhalang bad ki rangbah shnong, ki sordar shnong hapoh ka thain, kin dang pyrshah hi lada plie khohreh ia kane ka iew.
Phi don ban ong eiei?