Pyrshah ki nongkhaii dewiong Sohra

Shillong, 12 Nailur:
Ka Sohra Coal Supplier Association (SCSA) ka la pyrshah jur ia ka komiti jong ka NGT kaba bthah ban siew lypa ia ka khajna na ka bynta u dewiong. ha ka kyrwoh ba la pyn lait na ka liang u secretary ka SCSA u Bah R Synrem u la ong ba ka jingialang jong ki nong khaii dewiong ka thain Sohra ki la pyrshah jur ia ki kyndon ba la buh da ka NGT halor ka jingpynlait ia u dewiong ba la dep sei da kaba phah ban siew shwa ia ka khajna.Ka seng ka kyrshan lang ia ka jingiakhih ba lam khmat da ka Movement for Indieginous People Right and Livelihood Meghalaya.