Pyrshah ki Contractor, ba ioh laisen khaii ki bar jylla

Shillong,11 Risaw:
Ka All Meghalaya Contractor & Supplier Association ka pyrshah jur halor ka jingioh laisen pathar ki bar jylla na ki Autonomous District Council, katei ka seng ki kontraktor ka la ong ba ka tei ka jingioh trading License pathar ki bar jylla ka pynduhkam ia ki Nontreikam lajong ( Businessman) kham tam ia ki kam Contract bad Supplier ha kane ka jylla. Haba pynpaw ia ka jingsngew pyrshah katei ka seng hapoh ka jing ialam jong u President u bah G.G.Laloo ka la leit ban iakynduh ia u Executive Member jong ka KHADC bah Antonio War ,Incharge ia ka Trade ban pynpaw iaka jing sngew pyrshah halor kane ka jing ioh Pathar jong ki bar jylla iaka trading license ban trei iaki kam bapher bapher. Ha katei ka jingiakynduh u Bah War u la pynshai ba iaka rukom ai trading license la pynjari( Restrict) bha na ka KHADC, u la ong ba ia ki trading license la ai tang ba kin thep ia ki tender, bad lada u/ne ka company ba ioh iaki kam kin hap ban leit ban apply biang thik tang na ka bynta kato ka kam,bad kumjuh ruh u la batai ba iaki trading lincense ba ai iaki bar jylla jong kane ka jylla ruh la ai thik tang na ka bynta jong kito ki kam ba ki trei( kum ki Dukan/hotel/ware house/ carriage contract/bonded/stockist bad kumta ter ter) , bad kim lah ban pyndonkam ia kajuh ka trading license sha kiwei pat ki kam khamtam ki kam contract bad supply .
Ka AMC&SA ka la kyntu jur ruh ia baroh ki para Contractor bad supplier kumjuh ruh kiba trei kam lajong( Bussinessman) ba lada lap ia kum kita ki bar jylla kiba pyndonkam bakla ia ki trading licencse kin sngewbha ban ai jing tip shaka Association ha kine ki nos 9774335188/ 9856062143/ 8014183025 bad email ID jong ka seng [email protected] khang ba ngin ai jingtip sha ka District Council lyngba u E.M Trade Incharge khnang ba ka seng kan ioh ban teh lakam ia kum kine ki briew ba pyndonkam bakla ia ka trading license.
Shuh shuh ka AMC&SA ka maham jur ia ki bar jylla ki bym dei ki contract kiba sah ha kane ka jylla ba kim bit shuh ban shim hi ia ki kam contract Private ne kino kino ki kam kiba iadei bad ki kam contract, bad ka AMC&SA kan sa pynlong iaka jing leit jurip shen ia kum kine ki bar jylla kiba shim hi ia kine ki kam. Bad lada ka seng ka lap ia kum kine ki bar jylla ba shim Ia kine ki kam kan pynshitom kat kum ka kyndon bala buh da ka seng.