Pyrshah ka SKRS ba skud jaka ka MUDA

Shillong, 06 Nailar:
Ka Synjuk Ki Rangbah Shnong (SKRS) Sor bad Khapsor ki la pynpaw ia ka jingpyrshah jur ia ka jingskud jaka ka Meghalaya Urban Development Authority (MUDA) shabar u pud u sam ka Municipal kaba hukum ia ki paidbah ban shim jingbit shwa lada ki shna iing shna sem.
Ha ka shithi ba la  phah sha ka myntri sor ka Kong Ampareen Lyng doh, ka SKRS ka la ong ba ka long kaba sngew khia shibun ia ka jingskud jaka ka MUDA shabar ka Municipal bad khlem da iakynduh ktien shwa bad ka District Council halor kane.
“Ka jingialang kaba long ha ka 14 tarik Naitung, da kawei ka sur ka la pyrshah jur ia kane ka jingskud jaka ka MUDA shabar ka Muncipal bad ka la kyrshan ia ka jingpyrshah jong ki shnong kiba shah ktah ha kane ka jingskud jaka ka MUDA bad ka dawa ba dei ban weng noh ia ka jingpynbna ka MUDA shabar ka Municipal”, la ong ka shithi sha ka Kong Ampareen ba la soi da u General secretary Bah RL Blah.