Pyrshah ka seng trok ba thmu tuklar, ia ki district council

Shillong, 16 Nailur:
Ka Seng ki trai trok ne ka Meghalaya Commercial Truck Owners and Operators Association (MCTOOA) ka la pynpaw ia ka jingpyr pyrshah ia ka jingthmu ka sorkar jylla ban tuklar noh ia ka bor jong ki district council ha ka jylla.
Ha ka kyrwoh ba la pynlait ha kane ka sngi u Blei, u president ka MCTOOA u bah Augustine Shanpru u la ong ba ka jingtuklar ka sorkar ia ka bor bad ka iktiar jong ki district ka dei eiei ka jingthmu ha lyndet halor kane ban pyrshah ia ki riewlum kiba hap hapoh ka jingpeit jong ka district council.
“Kajuh ka sorkar kaba thmu ban pynkhain ia ki district council bad kajuh ka ka sorkar ka thmu ban pynduh noh ia ki district council”, la ong u Bah Shanpru.
U la ong ba ha ka jingshisha ka kam rangbah shnong ka dang sah kut ha ka iing kashari ka Supreme Court bad ka High Court hynrei kumno ka sorkar ka tuklar haba ka kam ka dang sahkut ha iing kashari.
U la ong ba naduh ba la thaw ia ka district council, ia ka bor jong ki rangbah shnong bad ki syiem la peit da ka maka hi katkum ka sixth scheduled hynrei mynta ka sorkar ka la thmu ban pynduh syndon da kaba knieh ia ka bor jong ka district council.
Ha jaka ba ka sorkar kan knieh ia ka bor ka district council, ka la dei ban pynleit jingmut ban thaw noh ia ka Mining Policy kaba dei ka kamram jongka, la ong u Bah Shanpru.