Pyrshah ka Madanrynting ba thmu pynrung kyrteng ia ki shipai

Shillong, 5 Naiwieng:
Mynta ka sngi Hatmajai ka Dorbar shnong Madanryn ting ki la wan ban pyrshah jur ia ka jingthmu ban pynrung kyrteng ban thep vote ia ki 300 ngut ki shipai hapoh katei ka shnong.
Hynne ka sngi na ka liang jong ka tnad Elekshon DC Shillong ki la pynlong ia ka sngi bishar paidbah ha ka ban pynrung ban thep vote, hynrei na ka liang jong ka Doprbar shnong hadien ba ki la ioh jingtip halor kane ki la wan ban khang pyrshah ia ka jingpynrung kyrteng ia ki shipai ki ba don kumba 300 ngut eiei ki ba trei hapoh ki tnad shipai ba don hapoh katei ka thain. Haba iakren bad ka tnad elekshon ki la iathuh ba ka shnong ki la wan ban ujor ha ki ia ka jingpynrung kyrteng ia kitei ki shipai hynrei na ka liang jong ki la ong ba ka kamram jong ki ka long tang ban shu pdiang tang ia ki kot ki sla bad ka jingpynrung kyrteng ka shong ha u DC ban peit ne ban bishar.
Nalor kitei ki shipai sa kumba 300 tam ngut ki paidbah kham bun kidei ki bar jylla ki ba wan ban pynrung kyteng ialade ban thep vote ha katei ka shnong. Napdeng kine ki riew paidbah khambun kidei ki bar jylla kiba la wan ban aplai biang ban ioh thep vote watla kim ioh thep vote mynshwa.