Pyrshah ka KSU-SWK ban buh ktem ka ANVC-B

Shillong, 1 Jymmang:
Ka KSU South West Khasi Hills ka pyrshah jur ia ka jingthmu ka sorkar jylla ban shna jaka sah ne camp hapoh u pud u sam jong ka South West Khasi Hills district. Ha ka kyrwoh ba la pyllait, ka KSU lyngba u general secretary ka seng u samla Robert June Kharjahrin u la ong ba ka seng kan nym shah da lei lei ia ka sorkar Meghalaya ban ailad ia ki dkhot kiengatiar ban sah ha ka district kiba dei na Garo. “Ka sorkar ka dei ban ai jaka sah ia ki ha ki jaka ba hap ha Garo Hills, ym ha Khasi Hills”, la ong u samla Kharjahrin.
Ia ki mat jingiakren bad ka ANVC-B ki dei ban iakren hapod u pud u sam jong ki Garo Hills bad kam dei ban wan skud sha u pud u sam ka Khasi Hills.
Ngim pat iohi kano kano ka sorkar kan ai jaka sah ia ki dkhot seng HNLC na Khasi Hills, hynrei kumno mynta pat ia ka kynhun lehnoh na Garo Hills, la wan tyrwa sha Khasi Hills, la buh jingkylli ka KSU-SWKH.
Ka seng ka la kyrpad ia ka deputy Commissioner ka district ban nym ai jingmynjur satia ia kano kano ka jingthmu ka sorkar ban pynioh jaka sah ia ki lehnoh ANVC-B. “ngi kyrpad ruh ia ki trai khyndew, ki dorbar shnong, ki riew paidbah, ki syiem kiba hap hapoh ka district ba kim bit ban ai jingbit ne ban die ia ki jaka jongki sha ka sorkar na ka bynta ban shna camp ia ka ANVC-B namar ba ioh kan long kumba ri ia u bsien bad un sap uh kylla hadien ba la syaid”, la ong ka KSU, bad bynrap ba ka sorkar ka dei ban weng mardor ia kane ka jingthmu lym kumta ka seng kan sa leh da ki kam ba tyngeh.