Shillong: Ka KSU Sohra ka la pyrshah jur ia ka jingthmu shipai ap khappud BSF ban shim jaka ha ka thain Sohra na ka bynta ban shna ia ka ktem jongki ha ka surok Shillong-Sohra ha ka jingheh kaba ym duna ia ka 70 akar.
Mynhynnin ka sngi, ka KSU Sohra ka la ujor ia kane sha u CEM ka KHADC ba ka dei ban tuklar ia kane kam, ban pynsangeh mardor ia kane ka jingthmu ki shipai BSF ban wad jaka sha katei ka thain.
“Ngi kyrpad ia phi ba kin sangeh ban ai NOC ia ki shipai BSF ban buh ia ka ktem (headquarter) namar ba kan ktah ia ka jaka puta, ka khyndew ka shyiap jong ki briew bad ban lait na ki jingeh hadien habud”, la ong ki nongkitkam ka KSU Sohra u Bah R Diengdoh u president bad u Bah S Phanbuh u secretary ka seng.