Pyrshah ka KSU, ban iaid shakhmat ia ka Aadhar

Shillong,
23 Rymphang:
Ka Khasi Students’ Union (KSU) lyngba kane ka kyrwoh ka pynpaw ia ka jingpyrshah halor ka jingthmu ka sorkar ban iaid shakhmat ha kaba iadei bad ka National Population Registration (NPR) lane Aadhar Num ber. Hadien ka rai jong ka Meghalaya High Court ban sloit noh ia ka iktiar jong ki Rangbah Shnong ha ka jylla, ki Rangbah Shnong kim lah shuh ban ia don bynta lang ha kino kino ki prokram jong ka sorkar kmie bad jylla.Ha ka jingialang jong ki Rangbah Shnong ba la synrop lang ha ka Synjuk ki Rangbah Shnong (SRS), Shillong  la dawa ba ka  sorkar  ka dei ban kren shai halor ki iktiar jong ki dorbar shnong. Kumta ka seng ka kyntu ia ka sorkar ba ka dei ban pynsangeh shwa shipor ia ka NPR, katba ym pat lah rai ha kaba iadei bad ki iktiar ki dorbar shnong, namar dei tang ki dorbar shnong kiba lah ban peit pyrman bad pyniaid beit iaid ryntih ia kane ka prokram. Shuh shuh ka seng ka kyntu ruh ia ki Rangbah Shnong jong ka Bri U Hynniewtrep ba kin long kiba phikir lada ka don kano kano ka jingthmu jong ka sorkar ban iaid shakhmat ha kane ka jingpynrung kyrteng, khnang ban lah ban teh lakam ia ka jingioh lad ki mynder ri ban ioh thep kyrteng lyngba kane ka prokram, ong ka kyrwoh na U bah Auguster Jyrwa General Secretery ka KSU.