Shillong,8 Jymmang:
Ka Jaintia Students’ Union (JSU) Sengkmie ha ka jing pyllait khubor mynta ka sngi lyngba u General Secretary u samla Emperor Bareh ka pyn paw iaka jing pyrshah jur ia ka rai jong ka DHS ban jeid iaki samla ban leit pule Doctor lyngba ka entrance examination kaba la pyllong da kane ka tnad.
Na ka liang ka JSU kala kynnoh ruh ba kane ka rai jong ka DHS ban pyllong ia kane ka examination ka don kaei re kaei kaba sha lyndet, namar ka seng kam ban klet ia kaei kaba la jia ia ki samla pule kiba la pass bha sha khmat ha kine ki snem bala dep bad ki ba la duh ia ka hok ka jong ki ban leit pule doktor lang namar ba don kata ka examin kaba la tip kum ka National Entrance Test (NET), ha ka ba kiba pass shadien ha ka HSSLC kiwan pat sha khmat ha kata ka entrance examination.
“Lada ka Directorate of Health Service (DHS) ka jeid ia ki samla ban leit pule doctor lyngba kata ka entrance examination, ka sorkar jylla bad ka tnad pule puthi kala dei ban pynduh noh iaka MBOSE lane lane ia kata ka examin kaba la tip kumka HSSLC kaba la pyniaid daka MBOSE bad kiwei kiwei ki board na kiwei pat ki jylla, kane ka rai jong ka DHS ka pyn i baka MBOSE kala duh iaka jing shaniah, lane kadei kaba shuleh bymhok? Lada dei ha kane ka rukom, ka sorkar kala dei ban shimkhia ban phah tohkit noh iaka MBOSE ha kti jong ki CBI” ong u GS ka JSU.
Phi don ban ong eiei?