Pyrshah ka JACATAM ba kwah set jingkylli klas-IX ka MBOSE

Shillong, 5 Nailar:
Ka Joint Action Com mittee of All Teachers’ Association of Meghalaya (JACATAM) ka la pyrshah jur ia ka jingthmu ka Meghalaya Board of School Education (MBoSE) ban pynkhreh ban set ia ki jingkylli ia ka eksamin jong ki klas IX.
“Kane ka jingtyrwa ka Board ban pynkhreh ia ki jingkylli kam long ban pdiang. Ka MBoSE ka pyr shang ban bud ia ka rukom ka bym ler kaba ka la dep leh teng san snem mynshwa”, la ong u chairman ka JACATAM u Bah ED Nongsiang.
Katkum ka jingong u Bah Nongsiang, ki klas IX ki la hap ban siew T.1600 na ka bynta ka bai jingkylli ba la set da ka MBOSE.
“Ngi kwah ba kane ka rukom ba mynta kan bteng ha kaba ia ki jingkylli la set da ki skul”, la ong u chairman ka JACATAM.