Shillong: Ka FKJGP Mawprem Circle ka pyrshah jur ia ka sorkar ban wanrah ia ki kharmetor ha TB Hospital, Upper Mawprem, namar ha kine ki thain la jyllei bad la bun da ki khyllah jait, ba wat haduh kine ki sngi la bun palat ki jingsniew ki bym lah shu ban niew, namar ba ka dei ka jaka kaba ia shong khleh jaidbynriew bad la bun u mynder ban ia ki Trai shnong bad ka sorkar ka pyrshang bad thmu ban wan rah shuh shuh sa ia kitei ki khar metor kiba la dei lypa ki briew kiba la iatyngkhuh jingeh shibun bad ka jaidbynriew khasi bad kane kan wanrah bad pynlong ban kharoi ki jingsniew bad ka jingpynkhapngiah ia ka shnong ka thaw.
Kumta na ka liang ka FKJGP MAWPREM CIRCLE kan pyn eh bad kan ialeh ban nym ai lad da lei lei, lada ka sorkar ka thmu ne leh donbor ia kaei kaba ki nongshong shnong bad ki shnong kiba marjan kim sngewtynnad ia kine ki briew kiba ju pynkulmar shnong man la ka por.
Lada ka sorkar kam sngap bad leh donbor na ka liang ka seng kam banse ban ia khun bad ialeh wat lada dei ban pan jingkyrshan na u paidbah ha kaba iadei bad ka jingthmu jong kane ka sorkar. Te kumta na ka liang ka seng ka maham tyngeh ba lada ka sorkar ka bakla ban rai, ka seng kan nym kynran dien bad ka sorkar kan bah khlieh lada Jia ba don ka jing ia umsnam, ong ka kyrwoh na u Bah Reginald Thabah, President ka FKJGP Mawprem Circle.
Phi don ban ong eiei?