Pyrshah ka CoRP ban kem ia u RS Seileiular

Shillong:Ka Confederation of Ri Bhoi People ka (CORP) ka la ai ka jingiaroh ïa u Rangbah shnong Seilleiular uba la nud ban ïeng Rangbah ban khang ïa ki kali ba kit palat pud halor ka jingkhang na DC ba ka jingkieng ka la jan dkut ba ym long shuh ki kali heh ban ïaid na katei ka jingkieng.

Na ka liang ka seng ka la ïoh jingtip ba ki don ki kali ba ïaid shiteng miet na ka jingkieng Dwar Ksuid, kumta lada katei ka jingkieng ka dkhut mano ban shim jingkitkhlieh, la ioh jingtip ba ki don ba la ujor ejahar pyrshah ïa une u Rangbah Shnong.

Halor kane ka seng ka pyrshah jur lada ki pulit ki kem ïa une u Rangbah Shnong balei kat ïa ka trok Dewiong ba ïaid ha surok ki pulit kim ïohi, lada jia ba ki pulit kem ka CORP kan nym ïehnoh ïa utei u Rangbah shnong, la kyrpad ïa ki bor jong ka aiñ ba kin pyn beit da ka lynti ym ban shu leh donbor ban kem ïa ki ba tlot bor, la ïathuh ka kyrwoh ba la phah da u Bah Bandari Ryntathiang, President ka CORP.