Shillong:Ka Khasi Students Union (KSU) myn hynnin, ka sngi Thoh dieng, ka la pynpaw ïa ka jingpyrshah kaba jur halor ka jingthmu jong ka Sorkar ban wanrah ïa ka lynti rel ha Khliehriat, East Jaiñtia Hills bad ong ba ka dei “ka atiar ban wanrung kyrthep ki mynder”.
Ha ka dorkhas ba la aiti sha ki bor District, ka KSU-East Jaiñtia Hills kala ieng skhem ha ka nongrim ba kin ym pdiang ïa ka lynti rel, katba ka Sorkar India kam pat wanrah ïa ka aiñ kaba khlaiñ ban tehlakam ïa ka jingrung kyrthep ki bar Jylla sha Jylla.
Kane ka la mih tang hadien shisngi ba u Myntri Rangbah ka Jylla, Conrad K Sangma, ula pynbna ïa ka rai jong ka Sorkar ban pynlong ïa ka jingwad bniah ha ka ban wanrah ïa ka lynti rel ha Khliehriat, kaba dei ka District Headquarter ka East Jaiñtia Hills.
“Ka KSU ka la dawa ïa ka aiñ kaba khlaiñ ban ïada ïa ka snap kyrteng kum ka Jaitbynriew. Ka seng ka sngew ba katba kam pat don ka aiñ kaba khlaiñ ban ïada ïa ka hok ki paradoh parasnam jong ki, ka jingkylli ban wan ka project lynti rel sha ka Jylla kam pat mih satia,” ong u samla Streamly N Suchen, President ka KSU ha ka dorkhas.
“Ka Seng ka la shim ïa ka nongrim kaba skhem halor kane ka kam naduh u snem 1988 bad ka ïai ban biang ba kam pdiang satia ïa ka project katba kam pat don ka aiñ ka ban tehlakam ïa ka jingrung kyrthep ki briew na shabar ka Jylla bad na ki Ri ba marjan kum ka Bangladesh,” ula bynrap.
U samla Streamly, ula ong ba ïa kane ka project la pynsangeh ha u snem 2016, ha ka por ba ka NFR ka dang sdang pyntrei ïa ka project Tetelia-Byrnihat Railway line, kaba long ruh hadien ka jing?eng pyrshah jong ka seng bad kiwei kiwei ki kynhun.
Ha kawei pat ka khubor, ka HYC East Jaintia ka kwah ban pynpaw bad kren shai ba katba ka sorkar kam pat lah ban wan rah daki ain ban teh lakam ia ka jingrung kyrthlep ki poiwir kum ka ILP lane kat bym pat ioh ia ka ILP ka ain ka ban iada iaka jaidbynriew na ka jingshah tyllep noh na ki mynder ngin nym pdiang ia ka lynti rel. Ka Seng ka buh ha khmat ia ka jing iada ba paka ia jaidbynriew bad lada wan ka lynti rel kan pynsuk ia ki poiwir ban wan buhai shnong ha ka Bri u Hynniewtrep, lada ym don ia ki ain iada ba biang kum ka ILP.
Ha kaba iadei ba ka jingkyntiew ia ki lynti iaid (Transportation) ka Seng ka ai jingmut ba ka sorkar India bad sorkar Meghalaya, ba ki dei ban shna noh da ka surok saw lynti (Four lane) naduh ratachera shaduh umiam (Damsite) khnang ba kan suk ka jingwan kit ia ki mar ki mata bad ia ki briew ba leit jingleit.
KA MAT BA NYNGKONG TAM KABA NGI DONKAM HA KA BRI U 7TREP JONGNGI KADEI KUMNO BAN KHANG IA KA JINGWAN KI BAR JYLLA NABAR BAD KUMNO BAN BEH NE PHAH LEITPHAI NOH IA KINE KIBA LAHDON LPA HANGNE HA KA RI JONGNGI BA KIN LEITPHAI NOH NA KA BRI U 7TREP SHA LA SHNONG LAJONG.
KO V.P.P SATANG HAPHI NGI DON KA JINGKYRMEN BAN PYNKHIH IA KANE KA MAT NAMAR KANE KADEI KA MAT KABA NYNGKONG EH NAPDENG KI MAT BAROH KHOIT.
KAN PYNLAIT IA KA RI NA KA JINGMA BAD KA PYNKYLLUID IA KI SUROK NA KA JINGBUN KI BAR JYLLA KIBA PYNKHAPNGIAH IA KA SOR.
NGAM TIP KATNO KA ILP KALAH BAN PYNSANGEH IA KA JINGWAN KIBA NABAR NAMAR TANG KINE KIBA LAHDON LPA RUH LAH DONKAM BAN LEH U TURN NOH WUTWUT..
WAT IOHTHIAH SHUH KO V.P.P KO SENGBHALANG KO PAID KA RI KHASI KANE KA MAT NGIN LEH NOH MYNTAN2 LYM KUMTA
N G I N S A I A P
ia ka lynti rel hi te keiñnoh tangban iakren haba la shai lpa kan wanrah jingmyntoi ne jingma. pyrshah ia ka lynti rel katlah katiai namar tang shu ioh ki dkhiew ban thaw lynti ka mut u khiewja khiewjhur jong ngi hap bret noh
Kmno ka ne ka sorkar ba mynta..wat tag ia ki kam ba rit kam lah ban leh pynban ka kwah lynti rel komic bn