Shillong: U president ka Jaintia Student Union (JSU) Shillong Cirlce u Treiborlang R Suchen lem bad u Samran S Syiem ki la pynrem jur ia ka jing rai ka sorkar Meghalaya ban iaid beit ban pynlong ia ka tamasa ‘Meghalayan Age Festival’ naduh 7 tarik haduh 15 tarik lber 2020.
U Treiborlang R Suchen u la iathuh na ka liang u myntri rangbah ka jylla u Conrad K Sangma u la kular ba ka tamasa kan long ka ba phikir bha na ka bynta ki briew ba la khot sngewbha bad ka tamasa kam nym plie na ka bynta ki paidbah baroh.
Na ka liang u myntri rangbah ka jylla Conrad K Sangma u la ong ruh ba 3 sngi kan dei beit tang ka ‘Conference’ na ka bynta ki briew ba la khot lypa bad baroh ki prokram ki ba khring paidbah la pynduh noh.
Na ka liang ka JSU bad u Samran S .Syiem ki la pyrshah jur ia kane ka rai ka sorkar da ka ba ong ba ka sorkar kadei ban pynduh noh shi syndon ia kane ka tamasa namar ka jing jur palat ka jing pang ‘CoronaVirus’ ha kylleng sawdong ka pyrthei wat hapoh ka ri India ruh.
U Treiborlang R Suchen u la ong ruh ba ka seng kam pyrshah ban pynlong ia kano kano ki tamasa hapoh ka jylla, hynrei ha kum kane ka por ba khie ka jing pang ‘CoronaVirus’ ka sorkar kadei ban pyrkhat sani bha namar kham kordor ka jing im briew ban ia ki tamasa.
Phi don ban ong eiei?