Jowai:Ki sengbhalang bapher bapher ka ri lum Jaintia khamtam kiba na East Jaintia Hills, ki la pynpaw ia ka jingpyrshah kaba jur halor ka jingailad ka sorkar ia ki Karkhana pynmih dewbilat ban wan rah dewiong na Assam na ka bynta ban pyniaid beit ia ki karkhana ha East Jaintia Hills.
Ka All Jaintia Cement and Clinker Transporters’ Association (AJCCTA) kaba dei kawei na ka seng kaba peit ia ka kit ka bah khamtam ha kaba iadei bad ka Dew bilat bad Clinker na ki Karkhana sha kiwei pat ki bynta ka thain Shatei Lam mihngi ka la pynpaw ia ka jingpyrshah jur halor ka rai jong ka sorkar.
U ma Balen Thubru u la kynthoh jur ia kane ka sorkar kaba la ailad ia ki heh Cement Factory ban kit ia u dewiong na Assam kaba dei ka jylla kaba jur bha ka jingpang Corona ha ka thain North East.
“Ngi lyngngoh ba ka sorkar hapoh ka jingialam u Conrad K Sangma ka la shah ia ki Company Cement katba ia ki briew jong ngi pat la shu phah shong khop ha iing. Lada kane ka sorkar ka leh kumne, kata ka lockdown kam don jingmut eiei haba ki trok kit dewiong ki Cement Factory la shah ban iaid ban khaii khaba”, la ong u ma Balen Thubru.
“Ka Transpoters Association kan nym ailad satia ba kane ka rai ka sorkar kan treikam, la bynrap ka seng.
Ha kawei pat ka khubor, ka kynhun na East Jaintia Hills bala soi da ka kynhun kiba kyn thup ia u Satly Ryng khlem, President Synjuk Waheh shnong East Jaintia Hills District, u ma Joinriwell Pyrtuh, President, Jaintia Coal Minner and Dealer Association, ma Hambertus Nongtdu, President East Jaintia Coal Supplier Association, u ma Helping Phawa, Presidrent Jaintia Amalgamated Redressal Forum bad u ma Albinus Lamurong, President Meghalaya People Labour union Jaintia Hills District Committee ki la pynpaw ba ki ieng ban pyrshah ia katei ka jingthmu jong ka sorkar.
“Ngi pyrshah jur ia ka rai ba la pynmih da ka sorkar ban wanrah ia u dewiong na Assam sha East Jainta Hills District”, la ong kitei ki nongialam na ri lum East Jaintia Hills.
Kitei ki nongialam ki seng bapher bapher ki la pynpaw ba ka sorkar ka dei ban pyrkhat shwa ia ki paidbah nongshong shnong ka East Jaintia Hills bad ka jylla khamtam ha kaba iadei bad ka koit ka khiah jong ki paidbah ha kaba u Khniang Corona u lah ban saphriang da ka jingailad ia ki trok ban wan kit ia u dewiong jong ki Company pynmih Dewbilat sha Assam shaduh East Jaintia Hills.
Kitei ki rangbah ki la pynpaw ba ka Assam kadei ka jylla kaba la shah ktah bad la tip ia ka kum ka Hotspot u Khniang Corona ha ka thain North-East. Kane ka jingleh ka sorkar kan buh ia ki paidbah ha ka jingma kaba khraw.
U ma Hambertus Nongtdu u la ong, “Ki Khynnah skul bad ki nongtrei kiba don shabar kane ka jylla ym pat shym la ailad ia ki ba kin wan phai iing katba ia u dewiong pat la ailad ban wanrah na ka jaka ba jur ka jingpang iabit bad kane kalong ka bym sngew iahap satia”
Kitei ki rangbah ki la kyrpad ban sangeh shi syndon ia kane ka jing wanrah ia u dewiong na Assam bad na kiwei kiwei ki jylla
Kitei ki rangbah ki la kyntu ruh ia ka sorkar ba kan iakren bad ka sorkar kmie ban auction lane die lilam noh ia u Dewiong uba dang sah khnang ba ki trai ri trai muluk kin nym kyrduh ha kaba jaka ban pynbiang ia ki Company Cement.
La kyrpad ruh ia ka sorkar ba kan pynbor ia ka sorkar pdeng ban leh Auction noh ia u dewiong uba don mynta 32 lak ton uba don hapoh ka jylla ban ia kaba wan rah nabar. La ong shuh shuh ba kane ka dei ka iap ka im bad ka koit ka khiah jong ki paidbah bad ka kamai kajih jong ki trai jylla. “Lada ka sorkar kam sngap ngim banse ban pynlong da ka jingiakhih paidbah wat hapdeng kane ka Lockdown kaba na ka daw u COVID-19”
Halor kane ka rai ka sorkar, ki sengbhalang ha ri lum Jaintia kiba kynthup ia ka KSU, JSM, nalor kiwei kiwei ki la pyrshah jur ban wanrah dewiong na sha bar jylla na ka bynta ban bsa ia ki karkhana Dewbilat ha rilum Jaintia Hills.
Ka jingpyrshah kalong kaba dei