Pyrshah ILP ka JHOTA ba duhnong:JSU

Shillong,7 Risaw:
Ka Jaintia Student Union Med- East Circle, East Jaintia Hills ka la pynrem jur ia ka Jaintia Hills Truck Owner Association (JHTOA) halor jingong jong ka ba ym donkam ban pyntreikam ia ka ILP, hynrei kaba la ong ba dei ban pyrkhing shuwa ia ki ain ba la don. Ka JSU ka la kynnoh kylla ba ka JHTOA kam donkam ia ka ILP bad lada pyntreikam ia ka ILP ka JHTOA ka duh nong bha namar ba kam da ioh lad shuh ban shim kabu na ki jaitbynriew jong ngi, ha kaba mynta ka ioh na ki bar jylla kiba shlei ha manla ki par dewiong.
Ka JSU ka la kynthah jur ia ka jingong u President ka JHTOA uba la ong ban “pyrkhing shwa ia ki ain ba la don”, ha kaba ka seng ka la kynnoh baroh shikatta kum ka seng bhalang ki lah pyrshang na ka por sha ka por ban pyntreikam ia ki ain ba la don hynrei ka long leh nohei namar dei ki trei dewiong ne ki trai truck ki iada ia ki bar jylla bad ka long kaba eh ban ia lehpyrshah ia ki heh spah , ong ka kyrwoh na u President ka JSu u Bah D Kyndait. Shuh shuh u la ong ba ki briew jong ngi ki ioh kamai tang T.150 ne T.100 tyngka shisngi na ka bylla 100 sngi ka NREGs katba ki bar jylla ki ioh haduh t.5 hajar tyngka shisngi kaba mut ba T.500 tyngka na ka shitrok bad na ka 10 trok ka long T.5 hajar tyngka.