Pyrshah FKJGP, ban rung vote ki nong Tibet

Shillong, 10 Iaiong:
Ka seng FKJGP, ka pynpaw, ia ka jingsngew pyrshah jur jongka, halor ka jingthmu ban pynrung kyrteng, ia ki poiwir Tibet, ba kin long kum ki nong thep vote ha ka Jylla. U Bah Joe Marwein, Pre sident jong katei ka seng, ha ka jingiakren bad U Rupang, ula ong “Ka dei ka jingma, kaba khraw ia ngi ka jaitbynriew rit paid” bad ula ong shuh shuh, ba katei ka dei ka mat, ha kaba ka FKJGP, ka la ju iai kren

pyrshah, ban pynrung kyrteng ia ki briew kiba nabar.
Na ka liang jong ka sorkar Jylla, la sngew thuh, ba ka ieng halor ka rai jong ka kashari jong ka Karnataka, ha kaba ka ka mynjur, ban ailad ia kitei ki poiwir Tibet, hynrei ka FKJGP, ka ieng halor ka nongrim, ba kan pyrshah jur, halor katei ka jingthmu jong ka sorkar Jylla, ban pynrung kyrteng ia kitei ki poiwir Tibet.