Pyrshah Assam Rifle ka RNYF

Shillong, 07 Naiwieng:
Ka RNYF sengkmie ka pyrshah jur ia ka jingthmu ka Assam Riffle ban thied ia jaka ha Lawbyrwa kaba hap hapoh Ri Bhoi District. Na ka liang ka seng kan ym shong kli kti bad kan iaid bun dien halor katei ka kam bad dalei lei kan ym shah ban ai lad ia ka Assam Rifle ban theid jaka.
Katkum ka kyrwoh ba la phah da u President ka RNYF sengkme Bah Apbor Nongrum ka la iathuh ka seng ka kyrshan ia ka seng NKU kaba la iaid shakhmat ban pyrshah ia katei ka jingthmu ban ai jaka ia ka Assam Riflle ha Lawbyrwa.
Na ka liang ka seng ka kyntu jur ia ki shnong ba kim dei ban ai lad ia ka Assam Rifle ban thied jaka, “Ioh ngin long tang ki nongtong um bad ki nongthoh dieng jongno re jongno” kumba la kren da u Myllung SoSo Tham bad to ngin pyrkhat bha shwa ban leh ban lait na kiei kiei ki jingma ia ka jaidbynriew.
Ha kajuh ka por ka seng ka ai khublei ia Ma Nehlang Lyngdoh uba la phyrkhat jngai bad khamtam ia ki nongshnong shnong ka Umran Dairy bad ka District baroh kawei kiba la ieng pyrshah ban ym ai lad ia ka Assam Riflle ban thied jaka ha Umran Dairy.