Pyrshah ain shongwai, ki 13 Rangbah Shnong Nongthymmai

Shillong,17 Risaw:
Ka Synjuk ki Rangbah Shnong Nongthymmai Pyl lun, Shillong kaba kynthup ia ki 13 Dorbar Shnong kata Nongrim Hills, Nongshil liang, Pohkseh, Rynjah, La palang, Lumbatngen, Lumiawblot, Demthring, Nongkhyriem, Lawjynriew, Lumsohphoh, Lumdiengsoh bad ka Lumpyngngad Dorbar Shnong ha ka jingia lang jong ki kaba la long ha ka 16 tarik mynta u bnai ha Community Hall, Nongshil liang, hadien ba ki la iatai sani bha halor ka ain shongwai (tenancy act) ba la tyrwa da ka sorkar ha poh ka jingialam u Dr.Mu kul Sangma kum u Myntri Rangbah bad ha katei ka jingialang da kawei ka sur ki Rangbah Shnong jong ki 13 Dorbar Shnong ki la rai ban pyrshah jur ia katei ka Meghalaya Regulation of Landlord and verification of Tenants Bill 2013, ka sorkar da kaba ong ba katei ka ain ka long pyrshah ia ka riti dustur jong uba rim ba jah.
Ki Rangbah shnong ki la ong ba kumba ka shnong ka pyniaid mynta ka iaid beit iaid ryntih ha kaba ka Dorbar shnong ruh ka la pyrshang katba lah ban teh lakam ia ka jingwan rung ki briew kiba na bar ha kiba bun rukom. Ki la dawa ba ka sorkar ka dei ban pynkup bor ia ki ban teh lakam ia ka jingwan rung kyrthep ki mynder ha kia bun ki liang. Ka synjuk ka la kyntu ruh ia ka District council ban pynkup bor noh ia ki, katkum ka 6th Scheduled.
Katei ka synjuk ki 13 shnong ka la pynrem jur ruh ia ki jingkren u MLA ka Mylliem u Bah R.V Lyngdoh uba la pynpaw ba u pyrshah ILP bad ha kajuh ka por uba la ong ba ka jingai jingbit (NOC) bad ki laisen khaii ka dei ka kam jong ki Dorbar shnong bad ki syiem, hynrei na ka liang ki Rangbah Shnong, ki la ong u MLA u la dei ban tip ba ia kitei ki jingai jingbit la ai da ki bor sorkar bad ka District council bad ka bor ban pdiang ne ban ym pdiang ka shong ha ki hi. Ka synjuk ka la maham ia u Bah Lyngdoh ba um dei ban dang kren laplah biang kum kitei ki jait kyntien, ong ka kyrwoh na ka Synjuk ki Rangbah shnong Nongthymmai Pyllun.
Halor ki jingjia kiba sngewsih kum ki jingthang kali bad kiwei pat ki jingpynjot ia ki tiar jong ki briew kiba la jia ha kine ki sngi ba ia khih ILP, ka Synjuk ka la kyrpad ia ki sengbhalang bad ruh ki dorbar shnong ban kin shim khia ban ym ai lad ia ki riew shim kabu ba kin leh ia kitei ki kam, ong ka kyrwoh na U bah WB Najiar Chairman, ka Synjuk ki Rangbah Shnong, Nongthymmai Pyllun.