Nongpoh: Ha ryngkat ka jingiatreilang ki briew ka tnat ka koit ka khiah lem bad kiwei, kiba la trei shitom na bynta ban teh lakam ia ka jingwan ki briew kiba nabar shapoh ka jylla, hynrei ki Pulit ka Ri Bhoi, ki la pyrkhing bha wat ia kito ki nongniah kali, kiba la pyrshang ban rung shapoh ka jylla, khlem da pyndep ia ki jingdonkam kaba ki dei ban leh hapoh ka Screening Centre kaba don ha 13Mer Ri Bhoi District.
kiba iaid jubor ‘Overtake’ shwa ban poi ha 13mer
Ka long shisha kaba ishongkun ban iohi ia ka jingtrei shitom ki Pulit ka Ri Bhoi, namar na kaei kaba la lap, la iohi ba ki pulit ka Ri Bhoi, ki la trei shitom shisha bad kata ka long ba nalor ba ki pyrkhing ba peit ia ka rung ka mih jong ki briew kiba nabar, hynrei ki trei shitom ruh ha ka ban peit pyrman ia ka jingwan rung ki briew kiba nabar shapoh ka jylla, kata ka long na bynta kito kiba wan na ki kali rit bad wat ia ki kali kamai, kali shimet wat na ki trok ruh kumjuh.
Kumba ka long mynta, ha ka Screening Centre kaba don ha 13mer, la iohi ba ka jingtrei shitom ki Pulit ka long kaba ihun bad kata ka long ba ki la trei shitom shaba palat, kata ka long ba kim ailad ia kano kano ka kali ba kin knieh pass jubor bad haba ki lap ba kano kano ka kali kaba knieh pass jubor, ki pynphai kylla ia kito ki kali kiba kwah ban shim pass jubor, laitnoh ia kito ki kali kiba don shisha ia ki kam kiba kyrkieh, kum ha ka pang ka shitom lem bad kiwei.
Phi don ban ong eiei?