Pyrkhat ka MTDC ia ka SPV, ka hotel Crowborough

Shillong, 23 Lber:
U Chairman ka tnad Meghalaya Tourism Development Corporation (MTDC) u Bah David Nongrum u la iathuh ba ka tnad kam ain ka dang eksamin ban buh noh ia ka Special Purpose Vehicle (SPV) ba la tyrwa da u nongshimwai ia ka hotel Crow Borough Hotel kaba don ha Khyndai Lad.
“Ngi la pan ia ka jingiarap na ka tnad kam ain namar ba ka jingiateh kam shym la shah ban buh ia ka SPV na ka bynta kane ka projek”, la ong u Bah Nongrum ha kane ka sngi u Blei.
U la ong ba kin iapyr khat ia kane hadien ba la ioh ia ka jingai jingmut na ka tnad kam ain.
Ha ka jingshisha, ka por ban pyndep ha u Nailur 2013, hynrei la pynjlan sha ka Nailar 2014.
Kane ka hotel ne ka iingbasa ka heh 28,869 sq.ft. la ai wai ha u Lessly Shylla uba dei u nongkhaii dewiong na Jaintia Hills ha ka 28 tarik Jymmang, 2008 ban pyndep ia katei ka projek 33 snem. Ia kane ka kam la sdang ha u snem 1980, hynrei ka sah slem haduh kine ki sngi kynthup ka jingdon ruh ki mukotduma.