Pynwai UDP ha Mawroh bad Mawkynroh

Shillong, 21 Naiwieng:
Ka jingpynwai ia ka party UDP ha thain Mawlai ka la nang pur na ka sngi sha ka sngi ha kaba mynta ka sngi, ka unit jong ka UDP ha ka shnong Mawai Mawroh bad ha Mawkynroh, ka la pynwai noh ia ka party hadien ba ki nongialam ka circle kynthup u MLA/MDC u Bah Embhah Syiemlieh u la kren tohmet ia ki paidbah nongkyrshan.
Ha Shnong Mawkynroh, ka jingphet seng jong ki Nongialam ka Party ki kynthup naduh ki Rangbah, ki Samla bad ki Kynthei. Kine kiba iehnoh kam ki dei u Bah Lamsing Kharsyntiew Vice President ka Unit, Therbak Marbaniang Secretary ka Unit, i Kong Usha Debina Marbaniang President Womens Wing, Balari Syiemlieh Vice Presidnt, Nanelda Khardewsaw Adviser, R Lyngdoh bad Clara K.Mawlongkiba dei ki Asst Social Secy, M Marbaniang Treasurer, Perisha Lyngdoh bad Manisha Khongwir kiba dei ki Asst Social Secy, Kwintina Kharlynnai , P.Khyllep bad Shanborlang Marbaniang kiba dei ki Executive Member (EM) ka Unit bad Womens Wing. Na ka Youth Wing pat ki dei u samla Clesfaston Marbaniang Vice President bad samla K.Marbaniang Asst Secretary.
Ha Mawroh la pynduh noh ia ka Womens Wing da ka jingiehnoh kam ki nongialam kynthup ia i Kong Banri Mawlong President, H.Pyrtuh Secretary, B Mawlong Org Secy, Baniah Pyrtuh Publicity Secy,bad ki dkhot kong T.Nonglait, Sabita Swer bad A.B.Lyngdoh. U Chief Organiser jong ka Youth Wing Mawlai Circle, Bah Patsha Mylliem Umlong, ula ai ia ka shithi iehnoh ia kane ka kam ba u bat ba kynthup ia ka kam Secretary jong ka UDP-Umthlong Circle.