Shillong, 10 Nailur:
Ka Pynursla Block Congress Committee (PBCC) ba thymmai hapoh ka jingialam U bah Hanbor Khongtani, President jongka ryngkat bad kiwei de ki dkhot jong ka komiti, ki pynshai ba ka jing pynwai ia ka Committee barim, ka dei tang ia kito ki dkhot, kiba don ha ka Block, ym ia ki Primary Member lane ki Unit bad ka Youth Congress Committee. Ka P.B.C.C ba thymmai ka wad ka kyntu ia ki Primary Unit, Youth Wing, Women Wing (Mahila), jong ka Seng, ba kin don ha syndah jong ka P.B.C.C ba thymmai khnang ba ka kam jong ka seng, kan long ka ba iaid beit shakhmat. La kyrpad shuh shuh ia ki nongkyrshan jong ka seng, ba kin iai don ryngkat bad ka P.B.C.C bathymmai khnang ban iohi ia ki jingkylla. La ong ruh
“Lada phi kwah ban ioh ia ka jingshai sngewbha ia kynduh ia u President ba thymmai ka P.B.C.C lane phone ha une u number, 7641020702”.