Shillong: U Secretary jong ka tnad ka koit ka khiah jong ka sorkar jylla u Sampath Kumar u la pyntip sha ka Secretary ka tnad Health bad Family welfare jong ka Sorkar pdeng ka Treeti Sudan ia ka jingdon uwei u nongpang COVID-19 ha ka jylla ba la pynthikna da ka test ha NEIGRIHMS.
Ha ka shithi ka ba la phah, na ka liang jong u Secretary ka tnad ka koit ka khiah jong ka sorkar Jylla la iathuh ba u wei na ki nongtrei jong ka Bethany Hospital Shillong la test ba u don ia ka jingpang COVID-19. Ia kane ka test la leh hapoh NEIGRIHMS bad la pynshisha da ka NIV Pune.
La iathuh ruh ba u ba ioh ia ka jingpang Covid-19 na ka jylla u dei na ka kam ha ka liang ka koit ka khia, u pyrsa kurim jong u ba shitom u dei u ba trei kum u Pilot jong ka Air India, u la wan na New York sha Delhi ha ka 16tark u Lber 2020.
Ha ka 17 tarik uLber 2020 u la mih na Delhi sha Imphal, ha ka 20tarik u Lber u mih na Imphal sha Delhi bad ha ka 24 tarik u Lber u mih na Delhi u wan sha Shillong.
Haba u la wan sha Shillong u la register bad ka sorkar ba u la don hapoh ka Home Quarantine naduh ka 24tarik u Lber haduh ka 07 tarik u Iaiong 2020.
Ka tnad peitbniah jong ka sorkar ka la leit ban ia kynduh ia u, ha ka por ba u don hapoh ka Home Quarantine.
Na ka liang ka sorkar jylla ka la shim ia ki lad ki lynti ban iada ia ka jingsaphirang une u khniang jing pang bad wad ia ki briew kiba la ia rung ia mih sha katei ka jaka sumar.
Na Ka liang ka sorkar kala khang ruh ia ki briew ban iaid ban ieng sawdong jong katei ka jaka sumar katkum ki kyndon kiba la bthah da ka tnad ka koit ka khiah jong ka sorkar pdeng.
Na ka liang ka sorkar jylla ka dang wad bniah mynta ia baroh ki briew ki ba u nongpang u la ia kynduh ban iada na ka jingsaphriang shuh shuh une u khniang jingpang Covid-19
Doctor u lieh thok palad ph