Pyntip ka jylla sha ka sorkar pdeng bym donkam shipai, ong u Mukul

Shillong,17 Naiwieng:
U Myntri Rangbah ka jylla u Dr Mukul Sangma ,mynta ka sngi u la ong ba ka sorkar jylla ka la phah kyrwoh sha ka sorkar pdeng ba kam donkam shipai ban khynra lehnoh ha Garo Hills bad kam donkam ain shipai ka AFSPA ban pynjari ha rilum Garo.
Haba kren mynta, hadien ba la wai ka jingialang ka kynhun myntri, u Mukul u la ong ba ka sorkar jylla ka dang lah ban iakhun ia ki kam pyntriem nalade bad ka sorkar pdeng ka donkam tang ban shu phah ia ki pulit jongka, ym ban pynjari da ka ain shipai. “Ki pulit ka jylla ki la lah ban iakhun hi ia ki kam pyntriem ha Garo Hills pyrshah ia ki kynhun Garo National Liberation Army (GNLA), United Liberation Front of Asom (ULFA) bad ka National Democratic Front of Bodoland (NDFB)”, la ong u Mukul.“Ka jingpynrung dkhot jong ki seng lehnoh, la lah ban khang lad bad bun bah ki dkhot kiba la wan pyndem noh” la ong u Myntri Rangbah.
U Mukul u la ong ba ka jingrahbor bad kam pyntriem ha Garo Hills la leh da ki kynhun runar kiba don ha khappud ka Meghalaya bad Assam.U Myntri Rangbah u la ong ruh ba kine ki kynhun runar ki ioh ia ki tiar na ki khappud ka India bad Bangladesh.
Ha kajuh ka por, u la ong ba ka sorkar ka dang wad ksiang ban wanrah ia ki seng lehnoh sha ka miej iakren jingsuk bad ka sorkar.U la ong ba ka jingpyrshah ban wanrah ia ka ain shipai AFSPA ka pyni ba ki paidbah ki don ka jingshaniah tylli ha ka jingtbit ka sorkar ban leh ia kaba donkam ha kaba iadei bad ki