Pynthymmai nongkitkam ka seng ki nongkhaii khappud

Shillong: Ka seng ki nongkhaïi ha khappud kaba la tip kum ka Ri-War Mihngi Exporter and Importer Association ka la pynthymmai ia ki nongkitkam jong ka ha ka jingialang kaba la long mynta ka sngi ha Pynursla. Ha katei ka jingialang la jied ia u bah Dibaron Khongbinan kum u President, u bah Lamkupar Mawkon Vice President, u bah F Edward Khongshei kum u General Secretary, Aristerwell Suting Asstn. Secretary ryngkat kiwei pat ki nongkitkam , ka samoi treikam jong kitei ki nongkitkam kan long na ka bynta 3 snem. Ka kyrwoh khubor na u General Secretary bah F Edward Khongshei, ka la kyrpad ia baroh ki dkhot jong ka Association ba kin ai ka jingkyrshan bad ka jingiatreilang bad ki nongkitkam ha kino kino ki bynta.